კორონავირუსის საწინააღმდეგო ვაქცინაცია მსოფლიოს 178 ქვეყანაში მიმდინარეობს. Bloomberg-ის მონაცემების თანახმად, ამ დროისთვის გლობალურად ვაქცინების 2.19 მილიარდზე მეტი დოზაა გამოყენებული.
მათივე ცნობით, გამოყენებული ვაქცინების რაოდენობა პლანეტის მოსახლეობის 14.3%-ის ორივე დოზით აცრისთვისაა საკმარისი.
მსოფლიოში ვაქცინაცია ყოველდღიურად, საშუალოდ, 37.8 მილიონ ადამიანს უტარდება. ყველაზე მეტი 794 მილიონი ვაქცინა ჩინეთში გამოიყენეს. შემდეგია აშშ, 303 მილიონი დოზით. ევროკავშირში ვაქცინების 275 მილიონი დოზა გამოიყენეს, ინდოეთში კი – 238 მილიონი.
მსოფლიოში პროცენტულად ყველაზე მეტი ვაქცინირებული სეიშელის კუნძულებზეა, სადაც ვაქცინაცის ორივე დოზა მოსახლეობის 66.7%-მა მიიღო. ისრაელში ორივე დოზით მოქალაქეთა 56.8% აიცრა. ევროკავშირში ორივე დოზით აცრილია მოსახლეობის 21.7%, აშშ-ში კი – 42.3%.
