გარდაბანში “ქართულმა ოცნებამ” მერობის კანდიდატად, დავით კარგარეთელი წარადგინა. კანდიდატი პრემიერ-მინისტრმა ირაკლი ღარიბაშვილმა და პარლამენტის თავმჯდომარემ, კახა კუჭავამ წარადგინეს.
“უკვე წლებია გარდაბნის რაიონში, სხვადასხვა პოზიციაზე ვმუშაობ და თამამად შემიძლია ვთქვა, ზედმიწევნით ვიცნობ ჩვენი მუნიციპალიტეტის და აქ მცხოვრებლების პრობლემებს, ჩემი სამსახურში ყოფნის პერიოდში კარგად გამიცნო ადგილობრივმა მოსახლეობამაც. კარგად იციან, რომ არცერთ ვითარებაში, არანაირი სირთულის წინაშე არცერთი მათგანი არ დამიტოვებია. როგორც ჩვენი რაიონის მერი ყველა გამოწვევას გავუმკლავდები და ამაში ჩემი გუნდი დამეხმარება.
დარწმუნებული ვარ ერთად დგომით, ერთობლივი, შეთანხმებული ნაბიჯებით და დროული გადაწყვეტილებებით შევძლებთ, მომდევნო ოთხი წლის განმავლობაში ჩვენი რაიონი ბევრად უფრო განვითარებული და ეკონომიკურად წარმატებული გავხადოთ. გარდაბნის მოსახლეობამ არაერთხელ დაამტკიცა რომ კარგად არჩევს ცუდსა და კარგს, კარგად იციან რა სჯობს ჩვენი რაიონისთვის და მწამს, რომ ადგილობრივი თვითმმართველობის არჩევნებში ყველა ერთად გავიმარჯვებთ.”- განაცხადა დავით კარგარეთელმა.
გარდაბანშისაკრებულოს მაჟორიტარი კანდიდატები იქნებიან:
☑️ ზაზა ონიანი
☑️ სახმან მირზოევი
☑️ დავით ებილაშვილი
☑️ როიშან გაჯიევი
☑️ მიხეილ გედეხაური
☑️ ვუგარ მამედოვი
☑️ ბეთქილ კახიანი
☑️ რასიმი ისაევი
☑️ გიორგი გურულიშვილი
☑️ ისლამ მამედოვი
☑️ დავით ჭინჭარაული
☑️ თორნიკე ქავთარაძე
