თბილისში მაჰათმა განდის ძეგლს სათვალე მოპარეს. თბილისის მერი, კახა კალაძე დედაქალაქში გახშირებული ვანდალიზმის ფაქტებზე საუბრობს. როგორც კალაძემ თბილისის მთავრობის სხდომაზე განაცხადა, მიმდინარე წელს გაკეთებული სკვერები და პარკებიც კი უკვე დაზიანებულია.
„ის, რასაც ვაკეთებთ, ახალი სკვერები, პარკები, ისევ ამ ქალაქში მცხოვრები ადამიანებისთვისაა, მომავალი თაობებისთვის. გულდასაწყვეტია, როცა ასეთ ფაქტებს ვხვდებით, თან საკმაოდ მრავლად. 10 ივლისს, ვარკეთილში მდებარე სკვერში მაჰათმა განდის ძეგლი გაიხსნა და ის უკვე დაზიანებულია. მოხსნილია სათვალე. ძეგლს მოპარეს სათვალე – არ ვიცი რა უნდა ვთქვა. სხვა ფაქტებიც საკმაოდ ბევრია“, – განაცხადა კალაძემ.
