იუსტიციის სახლებში ნებისმიერი სერვისის მისაღებად, წინასწარი ჯავშანი მოიხსნა. უწყების ცნობით, ჯავშნის მოხსნა იუსტიციის სახლების მიერ გასაცემი სახელმწიფო სერვისების რაოდენობის ზრდას უკავშირდება.
“25 ოქტომბერს, ვიზიტის წინასწარი ჯავშნის გარეშე, 19 000-ზე მეტ მომხმარებელს მოვემსახურეთ. იუსტიციის სახლები და საზოგადოებრივი ცენტრები სერვისების წინასწარი ჯავშნის პრინციპით გაცემისას, დღეში საშუალოდ 14 000-მდე მომხმარებელს ემსახურებოდა.
რიგის მართვა კოვიდ-რეგულაციების გათვალისწინებით ხორციელდება.
მათ შორის, უზრუნველყოფილია გარე სივრცეში მოლოდინის რეჟიმი.
იუსტიციის სახლი მოქალქეთა ნაკადის გატარებას მაქსიმალურად მოკლე დროში ახორციელებს.”-ნათქვამია უწყების მიერ გავრცელებულ ინფორმაციაში.