რუსთავის თოთხმეტი სკოლის 39 კლასში სწავლა საკლასო ოთახებში შეწყდა. მიზეზი სკოლებში კორონავირუსის დადასტურებული შემთხვევებია. როგორც ადგილობრივ რესურსცენტრში TV4-ს განუცხადეს, აღნიშნული კლასები სწავლას დისტანციური მოდელით აგრძელებენ.
კორონავირუსის შემთხვევები დადასტურდა: N1, 2, 4 ,5, 7, 9, 11, 15, 17, 20, 22, 23, 25, 26 სკოლების, სხვადასხვა 39 კლასში.
რუსთავის საგანმანათლებლო რესურსცენტრის ხელმძღვანელის, თამარ ხეჩიკაშვილის ინფორმაციით, სრულად დაიკეტება რუსთავის ერთ-ერთი სკოლა, რომლის შემთხვევაშიც განათლების სამინისტროს თანხმობას ელოდებიან.
