რუსთავის 2022 წლის საწყისი ბიუჯეტის პროექტი ქალაქის საკრებულოს განსახილველად უკვე წარედგინა. ფრაქციებსა და კომისიებში პროექტის განხილვის პროცესი დაიწყო.
მომავალი წლის ბიუჯეტი 31 მილიონი ლარით იზრდება და ქალაქის მთავარი ფინანსური დოკუმენტი ჯამში 81 მილიონით განისაზღვრება.
საკრებულოს დეპუტატის, გრიგოლ ვეფხვაძის განცხადებით, პრიორიტეტული მიმართულებები კვლავ ინფრასტრუქტურა, სოციალური და ჯანდაცვის პროგრამებია.
მანამდე, ქალაქის ბიუჯეტთან დაკავშირებით ისაუბრა რუსთავის ახლადარჩეულმა მერმა, ნინო ლაცაბიძემაც. როგორც ნინო ლაცაბიძემ განაცხადა, ცენლტრალურ ხელისუფლებასთან ერთად, სხვადასხვა მიმართულებით მუშაობა გაგრძელდება, რომ ქალაქის ბიუჯეტი კიდევ უფრო გაიზარდოს.
