„აიცერი და მოიგეს“ , 13 დეკემბერს, ქვემო ქართლში ექვსი გამარჯვებული ჰყავს, რომელთაგან ხუთმა 100–100 ლარი მოიგო, ერთმა კი 500. დღევანდელ გამარჯვებულებს შორის ორი რუსთავიდან არის, ორი მარნეულელია, ხოლო ორი წალკისა და ბოლნისის მცხოვრები. გამარჯვებულებს სხვადსხვა ვაქცინები აქვთ გაკეთებული.
რაც შეეხება ყოველკვირეულ გათამაშებას, 500 ლარი მოიგო რუსთაველმა, ხოლო 1 000-1 000 ლარი “აიცერი და მოგეში” მარნეულისა და ბოლნისის მცხოვრებლებმა მოიგეს.
1 000 ლარის ჩათვლით მოგების განაღდება შესაძლებელია “საქართველოს ეროვნული ლატარიის” სერვის-ცენტრებში, ხოლო 1 500 – 100 000 ლარის მოგების შემთხვევაში მოგებულს თანხა ჩაერიცხება მის პირად საბანკო ანგარიშზე. 16-დან -18 წლამდე აცრილი მოქალაქის ლატარიის ბილეთი და ასევე მოგება გადაეცემა მის მშობელს ან მის სხვა კანონიერ წარმომადგენელს. წარმომადგენლობა უნდა იქნეს დადასტურებული შესაბამისი დოკუმენტით.
1000 ლარზე მეტი თანხის მოგების შემთხვევაში, მოგებულ პირს დაუკავდება საქართველოს საგადასახადო კოდექსით გათვალისწინებული გადასახადები. ლატარიის “აიცერი და მოიგეს” ჩატარების მიზანია ვაქცინაციის პროცესის ხელშეწყობა, ვაქცინირებული ადამიანების რაოდენობის, ვაქცინაციის პროცესისადმი ლოიალურობისა და სანდოობის გაზრდა.
გამარჯვებულმა პირმა მოგების განაღდება უნდა მოითხოვოს შესაბამისი გათამაშების დღიდან (თარიღიდან როცა მან მოიგო ფულადი პრიზი) 60 კალენდარული დღის განმავლობაში.
ლატარიის ორგანიზატორმა შეიძლება უარი თქვას პრიზის გაცემაზე, თუ მოგებულმა პირმა ან მისმა კანონიერმა წარმომადგენლებმა თავისი მოთხოვნა ვერ წარადგინა აღნიშნული პუნქტით განსაზღვრული დროის განმავლობაში.
