“არის გონივრული ვადა და ეს გონივრული ვადა ამოიწურა და ამოიწურა ჩვენი მოთმინებაც. სწორედ ეს შეხვედრა ემსახურებოდა, რომ აუცილებელია სწრაფი ნაბიჯები გადაიდგას იმისთვის, რომ საწარმოო პროცესი მოვიდეს შესაბამის სტანდარტში.”– ამის შესახებ რუსთავის მერმა, ნინო ლაცაბიძემ მსხვილი საწარმოების ხელმძღანელ პირებთან გამართული შეხვედრის დასრულების შემდეგ განაცხადა.
ქალაქის მერის ინიცატივით, რუსთავის მერიაში ჰაერის ხარისხის გაუმჯობესებისა და კანონის აღსრულების საკითხზე შეხვედრა გაიმართა. შეხვედრას მსხვილი საწარმოების ხელმძღვანელი პირები და გარემოსდაცვითი ზედამხედველობის დეპარტამენტის წარმომადგენლები ესწრებონენ.
როგორც ნინო ლაცაბიძემ განაცხადა, საწარმოების ნაწილს სტანდარტების შესასრულებლად საჭირო მოწყობილობებზე შეკვეთები გაკეთებული აქვს, ნაწილს კი ეს მოწყობილობები უკვე ადგილზე აქვს. ამასთან, როგორც ქალაქის მერი ამბობს, ვადები ამოიწურა და მნიშვნელოვანია პროცესი შეუფერხებლად გაგრძელდეს და საწარმოები ევროპულ სტანდარტებზე დროულად გადავიდეს.
“მათი მხრიდან მოვისმინეთ კონკრეტული ნაბიჯები, რომელიც უკვე გადაიდგა და ასევე სამომავლო გეგმები, რის გაკეთებას აპირებენ იმისთვის, რომ ქალაქში ატმოსფერული ჰაერის ხარისხი გაუმჯობესდეს.
როდესაც ვსაუბრობთ უსაფრთხო ქალაქზე, ერთ-ერთი მთავარი პრიორიტეტი არის სწორედ უსაფრთხო გარემო, სადაც იზრდებიან ჩვენი შვილები და ვცხოვრობთ რუსთაველები, ამიტომ ეს იქნება ერთ-ერთი ძირითადი მიმართულება, რაზეც მე ვიმუშავებ უკვე მუნიციპალიტეტიდან, საწარმოებთან ერთად. უახლოეს მომავალში გვექნება სამინისტროსთან კიდევ ერთი შეხვედრა, სადაც კონკრეტულ დეტალებზე ვიმსჯელებთ. აუცილებელია, საწარმოებმა წარმოადგინონ ვადებში გაწერილი გეგმა, რას აპირებენ და რა პერიოდიდან შევძლებთ, რომ რუსთავში სუფთა ჰერი გვქონდეს. საწარმოებს უკვე აქვთ გარკვეული შეკვეთები გაკეთებული იმ მოწყობილობებზე, რომელიც უზრუნველყოფს როგორც ფილტრაციას, ისე თვითმონიტორინგის სისტემას.
კარგად გესმით, რომ ეს არის ჩვენი მემკვიდრეობა, ეს არ არის მარტივი პროცესი. ჩვენ ძალიან მნიშვნელოვანი გადაწყვეტილება მივიღეთ პოლიტიკურად, როცა გარემოსდაცვითი პასუხისმგებლობის კანონი მივიღეთ. ეს პროცესი გრძელდება სწორედ ასეთი სამუშაო შეხვედრებით. ერთად დგომით შევძლებთ, რომ საწარმოო პროცესები გაუმჯობესდეს, გადავიდეს ევროპულ სტანდარტებზე და დააკმაყოფილოს ყველა ის მოთხოვნა, რომელიც კანონშია გაწერილი.”- განაცხადა რუსთავის მერმა, ნინო ლაცაბიძემ.
ამასთან, ქალაქის პირველი პირის თქმით, ხელისუფლება ცდილობს, რომ ეკონომიკას შესაბამისი პირობები შეუქმნას, თუმცა ყველაფერი გაკეთდება კანონის აღსრულებისთვის.
“ეს არ არის მარტივი. ყველას გვესმის, განსაკუთრებით რუსთაველებს, ეს არის ჩვენი მემკვიდრეობა, აქ დასაქმებულია ათასობით რუსთაველი. ჩვენ ყველაფერს ვაკეთებთ, როგორც პასუხისმგებლიანი ხელისუფლება, ეკონომიკას შევუქმნათ შესაბამისი პირობები, თუმცა ასევე უკომპრომისო და შეუვალები ვიქნებით იმაში, რომ კანონი აღსრულდეს. კანონი უნდა აღსრულდეს და ეს ნაბიჯები კიდევ უფრო სწრაფად გადაიდგას საწარმოების მხრიდან.
არის გონივრული ვადა და ეს გონივრული ვადა ამოიწურა და ამოიწურა ჩვენი მოთმინებაც. სწორედ ეს შეხვედრა ემსახურებოდა, რომ აუცილებელია სწრაფი ნაბიჯები გადაიდგას იმისთვის, რომ საწარმოო პროცესი მოვიდეს შესაბამის სტანდარტში.
იყო სხვადსხვა თვე დასახელებული, მათ შორის გარკვეულ საწარმოებს აქვთ უკვე გამზადებული და პროცესშია, მე პირადად ადგილზე გავეცნობი, გარკვეული საწარმოები სხვადასხვა ტექნიკური რეგლამენტიდან გამომდინარე არიან მოზმადების პროცესში, ელოდებიან დანადგარების ჩამოსვლას უცხო ქვეყნიდან და ამ დეტალებზე მინისტრთან ერთად ვიმსჯელებთ.”-განაცხადა რუსთავის მერმა, ნინო ლაცაბიძემ.