ქვემო ქართლში სახელმწიფო რწმუნებულის ინიციატივით, მხარისა და თვითმმართველობის ხელმძღვანელი პირები, მარნეულში ღვაწლმოსილ პედაგოგს, მარინა მეგრელიძეს და ადგილობრივ მომღერალს, შაბან მამედოვს ესტუმრნენ.
ხელისუფლების წარმომადგენლებმა მათ დამდეგი შობა-ახალი წელი მიულოცეს და მუნიციპალიტეტის განვითარებაში შეტანილი წვლილისთვის მადლობა გადაუხადეს. მარინა მეგრელიძე 5 ათეული წელია მარნეულის ორ საჯარო სკოლაში მშობლიური ენისა და ლიტერატურის, ასევე ,,ქართული როგორც მეორე ენის“ პედაგოგია. 2015 წლიდან აქვს უფროსი მასწავლებლის სტატუსი, არის ტრენერი და აქტიურადაა ჩართული პროექტში- „ზოგადი განათლების რეფორმა და ლიდერობის მიმართულება“.
შაბან მამედოვი მარნეულელი მომღერალია, რომელიც ამჟამად ილიას უნივერსიტეტის მეცნიერებათა და ხელოვნების ფაკულტეტის მეორე კურსის სტუდენტია. დღემდე მოპოვებული აქვს 8 საერთაშორისო გრანპრი, 13-ი პირველი ადგილი და 60-ზე მეტი სხვადასხვა დიპლომი და სერტიფიკატი.
