საქართველოს ჯანდაცვის მინისტრის ზურაბ აზარაშვილის ინფორმაციით, მიმდინარე კვირაში საქართველო კოვიდის სამკურნალო პრეპარატს მიიღებს.
მისივე თქმით, მედიკამენტის მიღება აუცილებელია ინფიცირებიდან პირველი ხუთი დღის განმავლობაში.
„ამ კვირაში უკვე გვექნება კოვიდის სამკურნალო პრეპარატი. ეს არის „ფაიზერის“ მიერ შექმნილი სპეციალური პრეპარატი „პაქსლოვიდი“. სულ აქვს მსოფლიოს რამდენიმე ქვეყანას და ძალიან მიხარია, რომ, ერთ-ერთი ჩვენი ქვეყანა იქნება. ყველას, ვინც პოტენციურად შეიძლება, დამძიმდეს ინფიცირების შემთხვევაში და ქრონიკული დაავადებები ახლავს, უფასოდ დავურიგებთ ამ მედიკამენტებს. მედიკამენტების მიღება აუცილებელია ინფიცირებიდან პირველი ხუთი დღის განმავლობაში“, – განაცხადა აზარაშვილმა.
ამასთან, მინისტრის განცხადებით, კორონავირუსის ვაქცინაციის წახალისების პროგრამა აპრილის თვეშიც გრძელდება
ინფორმაციისთვის, 200-ლარიან ერთჯერად დანამატს ავტომატურად 50 წლის და მეტი ასაკის ყველა ის მოქალაქე მიიღებს, ვინც კორონავირუსის საწინააღმდეგო ვაქცინას გაიკეთებს. ამავე ასაკობრივი ჯგუფის პირები 100 ლარიან დანამატს „ბუსტერ დოზის“ გაკეთების შემთხვევაში მიიღებენ.
