განათლებისა და მეცნიერების სამინიტროს ინიციატივით, საგანმანათლებლო და სამეცნიერო ინფრასტუქტურის განვითარების სააგენტოს მიერ გარდაბნის მუნიციპალიტეტის სოფლებში, სართიჭალასა და მარტყობში, სკოლებს სრული რეაბილიტაცია უტარდებათ.
მარტყოფის N1 საჯარო სკოლის ინფრასტრუქტურული პროექტის ღირებულება 1 845 884 ლარია, ხოლო სართიჭალის N2 საჯარო სკოლის ღირებულება ჯამში 2 652 724 ლარს შეადგენს.
ინფრასტრუქტურული პროექტის ფარგლებში მარტყოფის N1 საჯარო სკოლასა და სართიჭალის N2 საჯარო სკოლის პირველ და მეორე კორპუსში დაწყებულია პირველადი სარემონტო და სადემონტაჟო სამუშაოები, კერძოდ:
1. შეიცვალა სახურავი;
2.სრულად განახლდება შიდა ინტერიერი და საკლასო ოთახები;
3. შეიცვლება იატაკი და კარ-ფანჯარა;
4. შეიღებება კედლები;
5. დამონტაჟდება ცენტრალური გათბობა;
6. მოპირკეთდება გარე სივრცე;
7. მოეწყობა ახალი სტადიონი და მწვანე სივრცეები;
8. მოასფალტება ეზოს გარკვეული ნაწილები.
სამუშაო ვიზიტის ფარგლებში სახელმწიფო რწმუნებულთან ერთად მიმდინარე სამუშაოები გარდაბნის მუნიციპალიტეტის მერმა დავით კარგარეთელმა, რუსთავისა და ათი თემის მაჟორიტარ-დეპუტატმა, ირაკლი შატაკიშვილმა, საგანმანათლებლო და სამეცნიერო ინფრასტუქტურის განვითარების სააგენტოს დირექტორმა, ლევან სუხიტაშვილმა და ადგილობრივი ხელისუფლების წარმომადგენლებმა მოინახულეს.
