გარდაბანში, საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიამ მასშტაბური წყალმომარაგების პროექტი განახორციელა.
ზემო თელეთის, ქვემო თელეთის, მუხრან-თელეთის, ახალწყალის, წალასყურისა და კუმისის 7000-მდე მოქალაქე 24 საათიანი უწყვეტი წყალმომარაგებით სარგებლობს.
პროექტების ფარგლებში აშენდა 100 კმ-ზე მეტი მაგისტრალური წყალსადენი, მოეწყო რეზერვუარი, სატუმბი სადგური, საქლორატოროები და წყალსადენი ქსელი.
ადგილობრივ მოსახლეობას გარდაბნის მუნიციპალიტეტის მერი-დავით კარგარეთელი, მერის მოადგილე- რამაზ ბუდაღაშვილი, ქვემო ქართლში სახელმწიფო რწმუნებული-გიორგი დოხტურიშვილი, საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის ხელმძღვანელი-ალექსანდრე თევდორაძე და გარდაბნის ათი თემის მაჟორიტარი დეპუტატი – ირაკლი შატაკიშვილი შეხვდნენ.
ასევე, აქტიურ რეჟიმში მიმდინარეობს გარდაბნის მუნიციპალიტეტის ხუთი სოფლის წყალმომარაგების პროექტის მესამე, დასკვნითი ეტაპი, რომლის დასრულების შემდეგ მარტყოფის, ნორიოს, ახალსოფლის, ახალი სამგორისა და ვაზიანის 25 364 მოქალაქე 24-საათიანი წყალმომარაგებით იქნება უზრუნველყოფილი.
