აზერბაიჯანში, საქართველოს საზღვართან ახლოს დღეს ორი მიწისძვრა მოხდა. ინფორმაციას სეისმური მონიტორინგის ეროვნული ცენტრი ავრცელებს.
პირველი მიწისძვრა დღეს, 24 მარტს, თბილისის დროით 11:09 საათზე, საქართველოს საზღვრიდან 159 კილომეტრში მოხდა. მისი სიმძლავრე 4,5 მაგნიტუდა იყო, ხოლო სიღრმე 8 კილომეტრი.
განმეორებითი ბიძგები კი საქართველოს დროით 12:27 საათზე დაფიქსირდა, სახელმწიფო საზღვრიდან 35 კილომეტრში, მისი სიმძლავრე 4,1 მაგნიტუდა იყო, ხოლო სიღრმე 49 კილომეტრი.
