„ქართული ოცნების“ თავმჯდომარემ საქართველოსთვის ევროკავშირის წევრობის კანდიდატი ქვეყნის სტატუსის მინიჭების შესაძლებლობაზე ისაუბრა და აღნიშნა, რომ ევროკავშირის რეკომენდაციები ივნისის ბოლოსთვის იქნება შესრულებული და თუ სამართლიანი შეფასებაც იქნება, გადაწყვეტილება საქართველოს მიმართ დადებითი უნდა იყოს.
როგორც ირაკლი კობახიძემ ჟურნალისტებს განუცხადა, მოლოდინი ოპტიმისტურია, თუმცა შანსები 50/50-ზეა.
ივნისში დასრულდება ყველა რეფორმის განხორციელება 12 პუნქტის შესაბამისად. რაც შეეხება დეპოლარიზაციას, დეპოლარიზაცია ნიშნავს იმას, რომ ორივე მხარემ უნდა გადადგას ნაბიჯები. პირველ რიგში, რადიკალურმა ოპოზიციამ. პოლარიზაციის ქვეშ სინამდვილეში რადიკალიზმი იფუთება. პოლარიზაციაში გულისხმობენ რას, ვიღაცამ უნდა გირტყას ფეხებში და შენ არ უნდა გქონდეს ამაზე რეაქცია. დეპოლარიზაცია არის ის, როცა რადიკალები წყვეტენ რადიკალურ ქმედებებს და ასეთ დროს, ბუნებრივია, ხელისუფლებას არანაირი ინტერესი არ აქვს თვითონ იმოქმედოს რადიკალურად“, – განაცხადა ირაკლი კობახიძემ.
