საქართველო „ევროვიზია 2023-ის” ფინალში ვერ მოხვდა.
მომღერალმა ირუ ხეჩანოვმა „ევროვიზია 2023-ზე” საქართველო მე-11 ნომრად წარადგინა.
ირუმ ნახევარფინალში სიმღერა Echo შეასრულა, რომლის ავტორი გიგა კუხიანიძეა. ტექსტი კი თავად ირუს და ბენი ქადაგიძეს ეკუთვნით.
სიმღერის ვიდეორგოლი ზაზა ორაშვილმა გადაიღო. ქორეოგრაფიაზე – გიორგი ტორიაშვილმა, მხატვრობაზე – შაკო პოპიაშვილმა, ხოლო კოსტიუმებზე მარიკა ქურდუბაძემ იმუშავეს.
ირუ ხეჩანოვმა ევროვიზიის საგზური მუსიკალურ კონკურს Voice-ში გამარჯვებით მოიპოვა. მომღერალი ჯგუფ “ქენდის” ყოფილი წევრია, რომელმაც 2011 წელს საბავშვო ევროვიზიაზე საქართველოს გამარჯვება მოუტანა.