საფრანგეთში ემანუელ მაკრონის მკვლელობის მცდელობის ბრალდებით 20 წლის კაცი დააკავეს. ამის შესახებ გამოცემა Le Parisien-ი წერს.
არსებული ინფორმაციით, 27 აპრილს მაკრონი საფრანგეთის ერთ-ერთ რეგიონში იმყოფებოდა, სადაც საპენსიო რეფორმის მოწინააღმდეგეებმა პოლიციის კორდონის გარღვევა სცადეს. როდესაც მაკრონი ვერტმფრენით ადგილის დატოვებას აპირებდა, ერთ-ერთმა მომიტინგემ მას პიროტექნიკა ესროლა.
დაკავებულია 20 წლის დურგალი. ის ჩადენილ ქმედებას არ უარყოფს და აცხადებს, რომ ამგვარად სურდა ეჩვენებინა მაკრონისთვის, რომ მოსახლეობას საპენსიო რეფორმა არ მოსწონს.
