2023 წლის საგამოცდო პროცესში დღეიდან მასწავლებლები და მასწავლებლობის მსურველები ჩაერთვნენ.
საქართველოს მასშტაბით დილის სესიაზე გამოცდა ქართულ ენასა და ლიტერატურაში, ისტორიაში, ქიმიასა და ბიოლოგიაში ჩატარდა. როგორც ცნობილია, პირველ ეტაპზე აპლიკანტთა 82 % გამოცხადდა და დაიგვიანა ერთმა გამოსაცდელმა.
რაც შეეხება მეორე სესიას, ქვეყნის მასშტაბით გამოცდა ჩატარდა მათემატიკა, გეოგრაფიასა და ფიზიკაში. მეორე ეტაპზე გამოცდაზე გამოცხადდა 80% ხოლო დაგვიანებას ადგილი არ ჰქონია.
რუსთავის საგამოცდო ცენტრში პირველ სესიაზე 171-დან 140 ხოლო მეორეზე 135-დან 109 გამოსაცდელი გავიდა გამოცდაზე.
