შოვში განვითარებული ტრაგიკული მოვლენების გამო, მივიღეთ გადაწყვეტილება, რომ 5 და 6 აგვისტოს დაგეგმილი Nile Rodgers & Chic-ისა და FKJ-ის კონცერტები გავაუქმოთ, – აღნიშნულის შესახებ განცხადებას Black Sea Arena აქვეყნებს.
განცხადებაში ნათქვამია, რომ Black Sea Arena-ს მთლიანი გუნდი ტრაგედიის დროს დაღუპულთან ოჯახებს სამძიმარს უცხადებს.
„შოვში განვითარებული ტრაგიკული მოვლენების გამო, მთავრობის ადმინისტრაციასთან გამართული კონსულტაციების შედეგად, მივიღეთ გადაწყვეტილება, რომ Black Sea Arena-ზე 5 და 6 აგვისტოს დაგეგმილი Nile Rodgers & Chic-ისა და FKJ-ის კონცერტები გავაუქმოთ.
ვუსამძიმრებთ ყველა იმ ადამიანს, რომელმაც ოჯახის წევრი დაკარგა და ვლოცულობთ მათთვის, ვინც ამ მძიმე წუთებში ახლობლებს ეძებს.
ახლა გვსურს, ჩვენი ფიქრები და ძალები მივმართოთ სტიქიის შედეგად დაზარალებულთა დასახმარებლად და უკეთესი ამბების იმედით დაველოდოთ ერთმანეთთან შეხვედრას შემდეგ ღონისძიებებზე”, – ნათქვამია განცხადებაში
