გრეტა გერვიგის კომედიამ „ბარბი“ უქმეებზე მსოფლიოს მასშტაბით 1,36 მილიარდი დოლარი შეაგროვა და წლის ყველაზე შემოსავლიანი ფილმი გახდა. ამის შესახებ Collider-ი წერს.
გამოცემის ინფორმაციით, აქამდე 2023 წლის ყველაზე წარმატებული სურათი იყო „ძმები სუპერ მარი კინოში“, რომლის შემოსავალმაც 1,358 მილიარდი დოლარი შეადგინა.
„ბარბის“ პრემიერა 2023 წლის 21 ივლისს შედგა. სურათის შემოსავალმა 1 მილიარდს სულ რაღაც 17 დღეში გადააჭარბა. ეს Warner Bros.-ის ყველაზე წარმატებული რელიზი გახდა რომელმაც სტუდიის წინა რეკორდსმენებს – „შავ რაინდსა“ და „ჰარი პოტერი და სიკვდილის საჩუქრები. ნაწილი 2“ გაუსწრო.
„ბარბი“ ასევე ქალი რეჟისორის მიერ გადაღებული ყველაზე შემოსავლიანი ფილმია ისტორიაში.