ისრაელში, „ჰამასის“ თავდასხმის შედეგად სულ მცირე 22 ადამიანი გარდაიცვალა. ამის შესახებ BBC ისრაელის საგანგებო სამსახურებზე დაყრდნობით წერს.
გამოცემის ინფორმაციით, სარაკეტო იერიშის შედეგად 545 ადამიანია დაშავებული. მანამდე ვრცელდებოდა ინფორმაცია 1 გარდაცვლილისა და 3 დაშავებულის შესახებ.
სარაკეტო დარტყმა ისრაელზე ადგილობრივი დროით 6:30 საათზე განხორციელდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს და ღაზას სექტორში „ჰამასის“ ობიექტებზე იერიში დაიწყეს.