გასული ღამის განმავლობაში, ნისლისა და დაბალი ხილვადობის გამო, თბილისის აეროპორტში 3 ავიარეისი გაუქმდა, 2 კი გადაიდო.
როგორც ცნობილია გაუქმდა თურქეთის ავიახაზების სტამბოლი-თბილისი-სტამბოლი – 2 რეისი, „პეგასუსის“ – სტამბოლი-თბილისის რეისი და გადაიდო „პეგასუსის“ ანტალია-თბილისის რეისი, ასევე აზერბაიჯანის ავიახაზების ბაქო-თბილისის რეისი.
თბილისის აეროპორტში აცხადებენ, რომ ავიარეისები დღეს, დღის განმავლობაში განხორციელდება.
