აშშ-ში, ტეხასის შტატში, მექსიკის საზღვართან ვერტმფრენი ჩამოვარდა რასაც სამი ადამიანი ემსხვერპლა, მათ შორის ეროვნული გვარდიის ორი წევრი და სასაზღვრო პოლიციის ერთი აგენტი. ერთი ადამიანი მძიმედ დაშავდა.
ჩრდილოეთის გაერთიანებული ძალების (JTF North) სპიკერის, თქმით, UH-72 Lakota მოდელის ვერტმფრენი რიო გრანდესთან საზღვრის დასაცავად ოპერაციას ატარებდა და აშშ-ში საზღვრის არალეგალურად გადამკვეთებს მეთვალყურეობდა.
ავარიის მიზეზი ჯერჯერობით უცნობია და მიმდინარეობს გამოძიება.
