ბოლნისის მუნიციპალიტეტის მერი დავით შერაზადიშვილი შპს ბოლნისის კომუნალური მეურნეობის ხელმძღვანელსა და თანამშრომლებს შეხვდა და ნაგავმზიდების ექსპლუატაციაში გაშვების პროცესს დაესწრო.
საქართველოს მთავრობის დახმარებით, ცენტრალური და ადგილობრივი ბიუჯეტის დაფინანსებით, ბოლნისის მუნიციპალიტეტს „ივეკოს“ ფირმის ორი 10 და ერთი 16-კუბიანი ახალი ნაგავმზიდი გადმოეცა.
ნაგავმზიდები არის სხვადასხვა წარმადობისა და სხვადასხვა რელიეფისთვის განკუთვნილი, რათა მათ ყველა სეზონსა და კლიმატურ პირობებში შეძლონ ოპერირება. მუნიციპალიტეტის მერია უახლოეს პერიოდში ნარჩენების შემკრებ სპეციალურ ყუთებს შეიძენს, რომლებიც ახალ ნაგავმზიდებზე იქნება ადაპტირებული.
