რუსთაველი გულშემატკივრებისთვის 14 ოქტომბერს, რუსთავის მერიის წინ დიდ ეკრანზე საქართველო – ალბანეთის საფეხბურთო მატჩის პირდაპირი ტრანსლაცია გაიმართება.
შეგახსენებთ, უეფა-ს ერთა ლიგის ჯგუფური ეტაპის მორიგი შეხვედრა ხვალ 14 ოქტომბერს, 20:00 საათზე მიხეილ მესხის სახელობის სტადიონზე გაიმართება.
საქართველოს ეროვნულმა ნაკრებმა ერთა ლიგის მესამე ტურის მატჩი უკრაინის ნაკრების წინააღმდეგ 11 ოქტომბერს გამართა. პოზნანში ჩატარებული შეხვედრა მეტოქის გამარჯვებით დასრულდა.