საქართველოს პარლამენტის არჩევნებს დააკვირდება 111 ადგილობრივი სადამკვირვებლო ორგანიზაციის 23 000-ზე მეტი დამკვირვებელი და 76 საერთაშორისო სადამკვირვებლო ორგანიზაციის 1700-ზე მეტი საერთაშორისო დამკვირვებელი. მათ შორის არიან საერთაშორისო ორგანიზაციების, სხვა ქვეყნის საარჩევნო ადმინისტრაციებისა და საელჩოების წარმომადგენლები.
მათ შორის: „ეუთოს დემოკრატიული ინსტიტუტების და ადამიანის უფლებების ოფისის“ (OSCE/ODIHR) 683 დამკვირვებელი, „ეუთოს საპარლამენტო ასამბლეის“ (OSCE PA) 75 დამკვირვებელი, „ამერიკის შეერთებული შტატების საელჩო საქართველოში“ – 95 დამკვირვებელი, „საერთაშორისო რესპუბლიკური ინსტიტუტი“ (IRI) – 75 დამკვირვებელი, „საერთაშორისო საქმეთა ეროვნულ-დემოკრატიული ინსტიტუტი“ (NDI) – 54 დამკვირვებელი, „ნატოს საპარლამენტო ასამბლეა“ (NATO PA) – 38 დამკვირვებელი, „ევროსაბჭოს საპარლამენტო ასამბლეა“- 67 დამკვირვებელი.
საარჩევნო პროცესს გააშუქებს 199 მედიაორგანიზაციის 2 800-ზე მეტი წარმომადგენელი.
საქართველოში საპარლამენტო არჩევნები ტარდება. მოსახლეობა მე-11 მოწვევის პარლამენტს ირჩევს. ამომრჩევლები პარლამენტის 150 დეპუტატს პროპორციული საარჩევნო სისტემის საფუძველზე ოთხი წლის ვადით აირჩევენ. საქართველოს პარლამენტის წევრთა მანდატები განაწილდება იმ პოლიტიკურ პარტიებზე, რომლებიც არჩევნებში მონაწილე ამომრჩეველთა ნამდვილი ხმების 5 პროცენტს მაინც მიიღებენ.
2024 წლის საპარლამენტო არჩევნებში 18 პოლიტიკური სუბიექტი მონაწილეობს.
ამომრჩეველთა ერთიან სიაში 3 508 29 ამომრჩეველია.
