Screenshot
პაკისტანში, ბელუჯისტანის პროვინციის ქალაქ კვეტის რკინიგზის სადგურზე მომხდარ აფეთქებას მინიმუმ 25 ადამიანი ემსხვერპლა, დაშავებულია 40-ზე მეტი.
ადგილობრივი პოლიციის ვარაუდით, თავდასხმა თვითმკვლელმა ტერორისტმა მოაწყო.
„25 დადასტურებულ დაღუპულს შორის 14 სამხედრო მოსამსახურეა“, – განაცხადა ადგილობრივი პოლიციის წარმომადგენელმა.
მომხდარზე პასუხისმგებლობა უკვე აიღო ბელუჯების გათვისუფლების არმიამ, სეპარატისტულმა სამხედრო დაჯგუფებამ, რომელსაც ბელუჯისტანის რეგიონის პაკისტანისგან დამოუკიდებლობა სურს.
შემთხვევა დღეს დილით, ადგილობრივი დროით 8:45 საათზე მოხდა.