ფონიჭალაში 15-საათიანი უწყვეტი სამძებრო-სამაშველო ღონისძიება დასრულებულია.
მეხანძრე-მაშველებმა ნანგრევებიდან უვნებლად გამოიყვანეს 5 ადამიანი, მათ შორის მცირეწლოვანი ბავშვი. ასევე, განხორციელდა მოსახლეობის ევაკუაცია.
სამძებრო-სამაშველო ღონისძიების შედეგად ნანგრევებში ნაპოვნია 6 ადამიანის ცხედარი.
ადგილზე მობილიზებული იყო 150 მეხანძრე-მაშველი, კინოლოგთა სამსახური, შინაგან საქმეთა სამინისტროს შესაბამისი დანაყოფები, ქალაქ თბილისის მერიის წარმომადგენლები და ყველა საჭირო სპეციალური ტექნიკა.









