ბოლნისში სოფელ ჭაპალა-სამტრედოს შიდა გზის მოწყობის სამუშაოები მიმდინარეობს

სოფელ ჭაპალა-სამტრედოს შიდა გზის მოწყობის სამუშაოები აქტიურად მიმდინარეობს. ინფორმაციას ბოლნისის მუნიციპალიტეტი ავრცელებს. 

მათივე ცნობით, ახალი ბეტონის გზა 1350 გრძივ მეტრზე მოეწყობა, პროექტი რეგიონებში განსახორციელებელი პროექტების ფონდისა და ადგილობირივი ბიუჯეტის ფინანსური მხარდაჭერით განხორციელდება, საერთო ღირებულებით 717 000 ლარი.

მიმდინარე სამუშაოები ბოლნისის მუნიციპალიტეტის მაჟორიტარმა დეპუტატმა გოგი მეშველიანმა, მუნიციპალიტეტის მერმა დავით შერაზადიშვილმა, საკრებულოს თავმჯდომარემ თამაზ ჟორჟოლიანმა და თვითმმართველობის წარმომადგენლებმა მოინახულეს.

კომფორტული გზით სარგებლობას მოსახლეობა უახლოეს პერიოდში შეძლებს.