კორონავირუსის გავრცელების პრევენციის მიზნით, საქართველოსა და თურქეთის მთავრობების ერთობლივი გადაწყვეტილებით, სარფის საბაჟო-გამშვებ პუნქტზე მგზავრთა გადაადგილება დროებით იზღუდება.
აღნიშნული შეზღუდვა ხვალ, 15 მარტს 18:00 საათიდან ამოქმედდება.
საქართველოს მთავრობის პრესსამსახურის ინფორმაციით, აღნიშნული შეზღუდვა სატვირთო გადაზიდვებს არ შეეხება.
აღსანიშნავია, რომ თურქეთთან საჰაერო მიმოსვლა ჩვეულ რეჟიმში გაგრძელდება, ასევე ჩვეულ რეჟიმში იმუშავებს ვალესა და კარწახის საბაჟო-გამშვები პუნქტები.