“მარნეულში შემოსული არიან გადამზიდი კომპანიები, რომლებიც უპრობლემოდ იბარებენ პროდუქციას”

ქვემო ქართლში სახელმწიფო რწმუნებული შოთა რეხვიაშვილი აცხადებს, რომ დაიწერება სია, რის მიხედვითაც მოსახლეობა შეძლებს დაიცვას რიგითობა, რათა პროდუქციის ჩაბარების დროს მთელმა სოფელმა ერთად არ იაროს.მისივე ინფორმაციით,  სოფლებში შემოსული არიან გადამზიდი კომპანიები, რომლებიც უპრობლემოდ იბარებენ პროდუქციას.

„უბრალოდ ვხედავთ აქ სხვა ძალიან ბევრ დარღვევებს, რაც დაავადების გავრცელებასთან დაკავშირებით და პრევენციასთან მიმართებით არის დაუშვებელი. უნდა გავწეროთ ჩვენ ამ ოჯახებში ოჯახების სია, ვისაც ეცოდინებათ დღეს, ხვალ, ზეგ, რა რიგითობით იქნებიან, რომ აქ მთელმა სოფელმა არ იაროს და  დისტანცირება არ დაგვრჩეს დაუცველი. ეს არის მთავარი გამოწვევა და მე მაქსიმუმს გავაკეთებ დღეიდან, რომ ეს პროცესები უფრო მეტად გამართული იყოს. დღეს რაც ხდება, იგივე რაც ხდებოდა გუშინ, არის ძალიან საგანგაშო, პროდუქცია კი გადის, მაგრამ ეპიდემიასთან ბრძოლის მიმართულებით ყველაფერი დარღვეულია“, – განაცხადა შოთა რეხვიაშვილმა.

ამასთან, დღეს ორი სოფელში აღმამედლოსა და კასუმლოში ხდება პროდუქციის ჩაბარება.