ჩვენ, კვლავ ვაგრძელებთ COVAX-თან და “ფაიზერთან” თანამშრომლობას და გვაქვს მოლოდინი, რომ ეს გადავადება მოკლე ხანში აღმოიფხვრება, -ამის შესახებ ჯანდაცვის მინისტრის მოადგილე თამარ გაბუნიამ ბრიფინგზე განაცხადა.
მისივე თქმით, COVAX პლატფორმა ვაქცინის მოწოდების 2-3 კვირიან გადავადებაზე საუბრობს.
“საქართველო, უკრაინა, მოლდოვა და ბოსნია – ეს ის 4 ქვეყანაა, რომელიც “ფაიზერის” მისაღებად შეირჩა. ჩვენ ყველამ მივიღეთ ერთნაირი კომუნიკაცია 29 იანვარს, სადაც მითითებული იყო ვაქცინის მიღების თარიღად თებერვლის შუა რიცხვებიდან, თებერვლის ბოლომდე. ეს თარიღები ყველა ქვეყნისთვის ერთნაირად გადავადდა.
ჩვენ, კვლავ ვაგრძელებთ COVAX-თან და “ფაიზერთან” თანამშრომლობას და გვაქვს მოლოდინი, რომ ეს გადავადება მოკლე ხანში აღმოიფხვრება. COVAX პლატფორმა 2-3 კვირიან გადავადებაზე საუბრობს. თუმცა, უნდა გვახსოვდეს, რომ ეს დაპირება მიმწოდებლის პირობის შესრულებაზეა დამოკიდებული,”- განაცხადა თამარ გაბუნიამ.
თამარ გაბუნია აცხადებს, რომ არსებული მოლოდინით, ვაქცინაციის დაწყება მარტს აღარ უნდა გადასცდეს.