სენაკში ხანძარს შუახნის მამაკაცი ემსხვერპლა. გავრცელებული ინფორმაციით, გარდაცვლილი ხის საცხოვრებელ სახლში მარტო ცხოვრობდა.
საგანგებო სიტუაციების მართვის სამსახურში აცხადებენ, რომ ადგილზე მისულ სახანძრო-სამაშველო ჯგუფებს სახლში მყოფი მამაკაცი გარდაცვლილი დახვდათ.
ხანძარი ამ დროისთვის ლიკვიდირებულია. შემთხვევის ადგილზე ოთხი სახანძრო-სამაშველო ჯგუფი მუშაობდა.
ფაქტზე მიმდინარეობს გამოძიება.
