საყდრისის კომიტეტის ინიციატივით, ხულუტის ციხეს რეაბილიტაცია ჩაუტარდება. პროექტი კულტურული მემკვიდრეობის დაცვის სააგენტოს ჩართულობით და კომპანია RMG-ის ფინანსური მხარდაჭერით ხორციელდება.
ამ ეტაპზე, მიმდინარეობს რეაბილიტაციის პირველი ეტაპი, რომლის ფარგლებშიც საფეხმავლო ბილიკი მოეწყო, უკანა კედელზე ხარაჩოები დამონტაჟდა, ჩატარდა ძეგლის სკანირება.
ხულუტის ციხეს, ეროვნული მნიშვნელობის კატეგორიის კულტურული მემკვიდრეობის ძეგლის სტატუსი 2006 წელს მიენიჭა.