შინაგან საქმეთა სამინისტრო დმანისში მომხდარ დაპირისპირებაში მონაწილე პირების იდენტიფიცირებაზე მუშაობს, დაკავებული არავინაა – ამის შესახებ განცხადება მინისტრის მოადგილემ, ალექსანდრე დარახველიძემ გააკეთა.
ორდღიანი მწვავე დაპირისპირების შემდეგ დმანისში ვითარებას სამართალდამცავები აკონტროლებენ. ამ დრომდე იკითხებიან დაპირისპირებაში მონაწილე პირები.
“გუშინ რამდენიმე პირი იყო გამოკითხვაზე, დაკავება არ მომხდარა. ისინი დაკითხვის შემდეგ გათავისუფლდნენ. ერთიანად დაწყებულია გამოძიება, მათ შორის, ჟურნალისტების ეპიზოდზეც მოხდება სრულყოფილი შესწავლა და თუკი კონკრეტული საქმეების გამოყოფა ან გაერთიანება გახდება საჭირო, შესაბამისი უფლებამოსილი პირები მიიღებენ გადაწყვეტილებას,”- განაცხადა საქართველოს შინაგან საქმეთა მინისტრის მოადგილე ალექსანდრე დარახველიძემ.
