რელიგიის საკითხთა სახელმწიფო სააგენტო სულთმოფენობის დღესასწაულს მართლმადიდებელ ქრისტიანულ სამყაროს ულოცავს, საქართველოს სამოციქულო ავტოკეფალიურ მართლმადიდებელ ეკლესიასა და მის მრევლს.
„დღეს, ტრადიციულად, საქართველოს ყველა ტაძარი ყვავილებითა და ხის ტოტებით იმოსება – მართლმადიდებელი ქრისტიანები სულთმოფენობის დღესასწაულს აღნიშნავენ.
სახარებისეული რწმენით, ღმერთმა სწორედ ამ დღეს მოუვლინა მოწაფეებს სულიწმინდის მადლი, რაც ძველი სჯულის ახლით შეცვლის, ქრისტეს ეკლესიის დაბადების ნიშანი იყო“, – აღნიშნულია რელიგიის სააგენტოს მიერ გავრცელებულ ინფორმაციაში.
