“აიცერი და მოიგეს” პირველი გამარჯვებულები ცნობილია. გამარჯვებულების ვინაობა დღეს, 12:00 საათზე გამოვლინდა და მათ შესახებ ინფორმაცია საიტზე – Stopcov.lotto.ge-ზე განთავსდა.
ვაქცინაციის წახალისების მიზნით ამოქმედებულ ლატარეაში ორი გამარჯვებული რუსთავიდან არის. ერთ-ერთმა გამარჯვებულმა 500 ლარის ოდენობით თანხა მიიღო, ხოლო მეორემ ლატარეაში 100 ლარი მოიგო.
ცნობისთვის, თუ ხართ აცრილი COVID-19-ის საწინააღმდეგო პრეპარატით, თუნდაც ერთჯერადად, დღეიდან ფულის მოგების შანსიც გეძლევათ. ლატარიაში მონაწილეობას იღებენ როგორც 2021 წლის 13 სექტემბრამდე აცრილი მოქალაქეები, ასევე 2021 წლის 13 სექტემბრის შემდგომ აცრილი პირებიც.
კონკრეტული კატეგორიის ადამიანებისთვის ფულად ჯილდოებს ლატარიის კომპანია შემთხვევითი შერჩევის პრინციპით წლის ბოლომდე, ყოველდღიურად და ყოველკვირეულად გაათამაშებს. ჯამური საპრიზო ფონდი 2 მლნ 800 ათასი ლარია.
ლატარიის გათამაშებები გაიმართება ვებგვერდზე www.stopcov.lotto.ge -ზე ყოველდღე, 12:00 საათზე, ხოლო ყოველკვირეული, ორშაბათს, ასევე 12:00-ზე.
ყოველდღიურად გათამაშდება 100 და 500 ლარი. ყოველკვირეულად გათამაშდება 1000, 1500, 5000 და 10 000 ლარი. შემაჯამებელი გათამაშება წლის ბოლოს იქნება და საპრიზო ფონდი იქნება 100 000 ლარი.
