საქართველოში წამლის წარმოებისა და დისტრიბუციის მოთხოვნები იცვლება.
წარმოების გარდა, იცვლება მედიკამენტების შენახვის პირობები, ასევე, ტრანსპორტირებისას, კლიმატის კონტროლის და შეფუთვის წესები.
ფარმაცევტულ ბაზარს, ახალი სტანდარტის დასანერგად, ექვსთვიანი გარდამავალი პერიოდი აქვს განსაზღვრული.
GMP-ისა და GDP-ის დანერგვით ჯანდაცვის უწყება და ქვეყანა, ფარმაცევტული პროდუქტების ხარისხის კონტროლის მხრივ, ევროკავშირის სტანდარტებს უერთდება.
ახალი წესების დაცვა ყველა კომპანიისთვის სავალდებულო იქნება.
„ეს პროცესი ითვალისწინებს, ეტაპობრივად, განაცხადების განხილვასა და სექტორის ხელშეწყობას იმისთვის, რომ, სადაც შესაძლებელია, მათ დროულად მიაღწიონ იმ სტანდარტს, რომელიც დასმულია კარგი სადისტრიბუციო და სამეწარმეო პრაქტიკის სტანდარტებთან მიმართებით. რაც შეეხება საიმპორტო პროდუქციას – ამ შემთხვევაში, ვადა განისაზღვრა 25 წლიდან, რათა მათ, თუ მიმღები ქვეყანა არ ითხოვს სავალდებულო სახით GMP/GDP სტანდარტს, იმპორტის მწარმოებელ საწარმოს არ მოეთხოვება ამის გაკეთება“, – აცხადებს ჯანდაცვის მინისტრის მოადგილე თამარ გაბუნია.
