უკრაინაში, წუხელ კიდევ ერთი მებრძოლი დათო გობეჯიშვილი დაიღუპა. ამის შესახებ უკრაინაში მყოფი მებრძოლი ზაალ ლატარია წერს.
“რა ვთქვა არ ვიცი. დათო ძმაო შოკში ვარ, კიდევ ერთი ქართველი გმირი დავკარგეთ,” – წერს ზაალ ლატარია.
საქართველოს საელჩო უკრაინაში უკვე ინფორმირებულია აღნიშნული ფაქტის შესახებ და კომუნიკაციაშია გარდაცვლილის ოჯახის წევრებთან. მიმდინარეობს შესაბამისი პროცედურები.
გარდაცვლილი მებროლი დავით გობეჯიშვილი სოხუმიდან დევნილია. იგი კიევში 4 დღის წინ ჩავიდა.
ცნობისთვის, უკრაინაში ამ დრომდე სამი ქართველი მებრძოლი იყო დაღუპული. დავით რატიანსა და გია ბერიაშვილს დღეს დაკრძალავენ, რაც შეეხება ბახვა ჩიქობავას, მისი ჩამოსვენება საქართველოში ამ დრომდე ვერ ხერხდება.