უამინდობამ და ძლიერმა ქარმა პრობლემები შექმნა რუსთავში. ჭყონდიდელის დასახლებაში ქარმა საცხოვრებელ კორპუსებს სახურავები ახადა. ზოგიერთ ლოკაციაზე მოგლეჯილია ხეები და დაზიანებულია მცენარეები. ქარმა სახურავი ახადა მუნიციპალიტეტის მერიის შენობასაც.
პრობლემურ მისამართებზე იმყოფებიან რუსთავის მუნიციპალიტეტის მერიის შესაბამისი სამსახურების წარმომადგენლები, პროცესში ჩართულია სამაშველო სამსახურიც.
შეგახსენებთ, რუსთავის მუნიციპალიტეტის მერიის საინფორმაციო ნომერია 1 300. უამინდობის გამო შექმნილი პრობლემების შესახებ, შეგიძლიათ დარეკოთ აღნიშნულ ნომერზე და მუნიციპალიტეტს მიაწოდოთ ინფორმაცია.
