თურქეთის პრეზიდენტის ინაუგურაციის ცერემონიას პრემიერ-მინისტრის ხელმძღვანელობით საქართველოს დელეგაციაც დაესწრება – ამის შესახებ თურქეთში საქართველოს საგანგებო და სრულუფლებიანმა ელჩმა გიორგი ჯანჯღავამ განაცხადა.
ელჩის თქმით, ინაუგურაციის საზეიმო ცერემონიას მსოფლიოს ასზე მეტი ქვეყნის ლიდერი დაესწრება:
გაიმართება ინაუგურაციის საზეიმო ცერემონია, რომელსაც დაესწრება მსოფლიოს ასზე მეტი ქვეყნის ლიდერი.
მათ შორის აღსანიშნავია აზერბაიჯანის პრეზიდენტი, ბულგარეთის პრეზიდენტი, მონტენეგროს პრეზიდენტი, ალბანეთის პრემიერ-მინისტრი, უნგრეთის პრემიერ-მინისტრი, ასევე ევროკავშირის სხვადასხვა ქვეყნების ლიდერები. ასევე, შუა, ცენტრალური აზიის და შორეული აზიის ქვეყნების ლიდერები.
როგორც მოგეხსენებათ, თურქეთი არის ჩვენი მეზობელი ქვეყანა, ჩვენი მეგობარი ქვეყანა და ასევე სტრატეგიული მოკავშირე“, – განაცხადა გიორგი ჯანჯღავამ.
ცნობისათვის, თურქეთის პრეზიდენტის ინაუგურაცია დღეს იმართება.
