23 სექტემბერს, ბოლნისის მუნიციპალიტეტში სახალხო დღესასწაული „ბოლნისქალაქობა 2023“ გაიმართება.
ღონისძიებები ძველ გერმანულ უბანში 16:00 საათიდან დაიწყება.
სტუმრებს საბავშვო ,შემეცნებით-გასართობი და სპორტული სივრცეები, ანიმატორები, ანიმაციური გმირები, ქუჩის კარნავალი, ატრაქციონები, ხალხური რეწვის ოსტატთა ნამუშევრების გამოფენა
სხვადასხვა სახეობის ქართული ღვინის, სოფლის მეურნეობის პროდუქციისა და ქართული ნუგბარის დეგუსტაცია და გამოფენა-გაყიდვა დახვდებათ.
გაიმართება ყურძნის საზეიმო დაწურვა.
18:00 საათზე კი დაიწყება გალა კონცერტი,რომელშიც მონაწილეობას : ქართული ხალხური სიმღერისა და ცეკვის სახელმწიფო აკადემიური ანსამბლი „ერისიონი“, კვარტეტი „რანინა“, ჯგუფი Reggaeon და Tamada მიიღებენ.
ღონისძიების ფარგლებში, გაიმართება ბოლნისის საპატიო მოქალაქეების დაჯილდოების ცერემონია.
