მეხანძრე-მაშველებს, რომლებიც რუსთავის წყალდიდობისას სალიკვიდაციო სამუშაოებში, ჭუბერის სტიქიასა და ლენტეხში, სოფელ ზესხოში ტყეში გაჩენილი ხანძრის ლიკვიდირებაში მონაწილეობდნენ, ფულადი ჯილდო გადაეცემათ, – ამის შესახებ ინფორმაციას საქართველოს საგანგებო სიტუაციების მართვის სამსახური ავრცელებს.
როგორც, უწყებაში განმარტავენ ფულად ჯილდოს ჯამში 350 მეხანძრე-მაშველი მიიღებს.
საქართველოს თავდაცვის მინისტრმა, ლევან იზორიამ განაცხადა, რომ პრემიას მიიღებენ ჭუბერის სტიქიის სალიკვიდაციო სამუშაოებში მონაწილე სამხედროებიც.