სასამართლომ პროკურატურის შუამდგომლობა არ დააკმაყოფილა.
გადაწყვეტილება მოსამართლემ რამდენიმე წუთის წინ გამოაცხადა. გადაწყვეტილების თანახმად მელიამ გირაოს სახით 20 დღის ვადაში 30 ათასი ლარი უნდა გადაიხადოს.
ცნობისთვის, პროკურატურამ საქართველოს პარლამენტის დეპუტატს „ერთიანი ნაციონალური მოძრაობიდან“ ნიკა მელიას, თბილისში 20 ივნისს საპროტესტო აქციაზე ჯგუფური ძალადობის ორგანიზაციაში, ასევე ამ პროცესების ხელმძღვანელობასა და მასში მონაწილეობაში ბრალი წაუყენა.
26 ივნისს საპარლამენტო უმრავლესობის 91 დეპუტატმა მელიასთვის იმუნიტეტის მოხსნას მხარი დაუჭირა.
