რა უნდა გაითვალისწინოს აბიტურიენტმა 2021 წლის ერთიან ეროვნულ გამოცდებზე საგანმანათლებლო პროგრამების არჩევის დროს? – ინფორმაციას შეფასებისა და გამოცდების ეროვნული ცენტრი ავრცელებს.
ცენტრი სარეკომენდაციო ხასიათის ჩამონათვალს ავრცელებს იმ აბიტურიენტებისთვის, რომლებიც ერთიან ეროვნულ გამოცდებს მიმდინარე წელს ჩააბარებენ.
კერძოდ გამოცდების ეროვნული ცენტრის რეკომენდაციით, აბიტურიენტმა უნდა გაითვალისწინოს:
- აკრედიტებულია თუ არა პროგრამა (არააკრედიტებული პროგრამა არ ფინანსდება სახელმწიფო სასწავლო გრანტით);
- აკრედიტაციის ვადები;
- გაზრდილია თუ არა უმაღლესი საგანმანათლებლო დაწესებულების მიერ მინიმალური კომპეტენციის ზღვარი;
- მითითებულია თუ არა საგანმანათლებლო პროგრამაზე სპეციალური მოთხოვნები;
- უმაღლესი საგანმანათლებლო დაწესებულების მიერ საგანმანათლებლო პროგრამაზე ჩასაბარებელი გამოცდისათვის მინიჭებული კოეფიციენტი (კოეფიციენტების მინიჭებით უმაღლესი საგანმანათლებლო დაწესებულება განსაზღვრავს საგანმანათლებლო პროგრამისათვის მეტად თუ ნაკლებად პრიორიტეტულ საგამოცდო საგნებს, საკონკურსო ქულები სწორედ კოეფიციენტების მიხედვით დაითვლება);
- საგანმანათლებლო პროგრამაზე არსებული ადგილების რაოდენობა;
- საგანმანათლებლო პროგრამის სწავლის საფასური;
- თუ რომელ ქალაქში მიმდინარეობს სწავლა ამ საგანმანათლებლო პროგრამის მიხედვით.
