ჩიხლაძე თალაკვაძის განცხადებაზე: დეტალური ანალიზი სჭირდება

„სტრატეგია აღმაშენებლის“ წევრის, სერგო ჩიხლაძის განცხადებით, დოკუმენტზე ხელმოწერასთან დაკავშირებით არჩილ თალაკვაძის განცხადებას დეტალური ანალიზი სჭირდება.

მისივე თქმით, კონსულტაციები გაიმართება როგორც პარტიის შიგნით, ასევე სხვადასხვა ოპოზიციურ პარტიასთან.

„პირველ რიგში, თალაკვაძის ამ განცხადებას სჭირდება დეტალური ანალიზი. ამას გავივლით ჩვენს პოლიტსაბჭოზე, ასევე კონსულტაციები გვექნება სხვადასხვა ოპოზიციურ პარტიასთან, თუმცა რამდენიმე კითხვა მებადება: რა უშლიდათ ხელს, მაშინაც რომ დათანხმებოდნენ დოკუმენტში არსებულ საკითხებს? ასევე, ბევრი კითხვა ჩნდება პოლიტპატიმრებთან მიმართებაში. რა მექანიზმით მოხდება ორივე პატიმრის გამოშვება, ეს არ არის ნახსენები ამ დოკუმენტში“, – განაცხადა ჩიხლაძემ.