სასულიერო პირის დაჭრის საქმეზე დაკავებულს ბრალს წაუყენებენ.
გამოძიების ინფორმაციით, მან ცივი იარაღის გამოყენებით სხეულზე ჭრილობები მიაყენა მამა ცოტნე თვარაძეს და შემთხვევის ადგილიდან მიიმალა. დანა ნივთმტკიცებადაა ამოღებული.
ამასთან დაკავშირებით შსს-მ განცხადება გაავრცელა.
“შინაგან საქმეთა სამინისტროს თანამშრომლებმა ჯანმრთელობის განზრახ მძიმე დაზიანების ფაქტზე, 1981 წელს დაბადებული, წარსულში ნასამართლევი გ.ბ. თბილისში დააკავეს.
დანაშაული 7 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა მიმდინარე წლის 4 მარტს, ცივი იარაღის გამოყენებით სხეულზე ჭრილობები მიაყენა 1959 წელს დაბადებულ ც.თ.-ს და შემთხვევის ადგილიდან მიიმალა.
სამართალდამცველებმა, ოპერატიულად ჩატარებული საგამოძიებო მოქმედებების შედეგად, გ.ბ. მომხდარიდან რამდენიმე საათში, ცხელ კვალზე დააკავეს.
დანაშაულის ჩადენის იარაღი – დანა ნივთმტკიცებადაა ამოღებული.
გამოძიება საქართველოს სისხლის სამართლის კოდექსის 117-ე მუხლის პირველი ნაწილით მიმდინარეობს,” – ნათქვამია ინფორმაციაში.
შეგახსენებთ მამა ცოტნე თვარაძე კლინიკაში რჩება, მას გადაუდებელი ოპერაცია უკვე ჩაუტარდა.
