ფიქსირდება თუ არა ხარვეზები მართვის მოწმობის თეორიულ გამოცდაზე. დღეს tv4-ს ფეისბუქის მომხმარებელი დაუკავშირდა, რომლის წერილსაც უცვლელად გთავაზობთ:
„ გამარჯობა, ერთი საკითხი ძალიან მაფიქრებს და თუ შეგიძლიათ დახმარება. რუსთავში მართვის მოწმობის გამოცდაზე დღეს იყო ერთი ამბავი სწორ პასუზებზე ყველას უგდებდა არასწორიაო და გაგიჟებულები იყვნენ ყველა გადაამოწმეს წიგნებში და როგორც ჩანს პასუხები არასწორად არის ბაზაში შეტანილი და მაინც ატარებენ.გამოცდებს და იღებენ თანხებს.“–წერს სოციალური ქსელის მომხმარებელი.
მისი თქმით, თეორიული გამოცდის ჩატარების დროს სისტემაში ხარვეზია და სწორი პასუხების ნაცვლად არასწორ პასუხებს აფიქსირებს.
დღეს ჩვენ საკითხის გადასამოწმებლად მომსახურების სააგენტოს დავუკავშირდით. უწყებაში ხარვეზების არსებობას უარყოფენ. „დღესაც და წინადღეებშიც საგამოცდო პროცესში აბსოლუტური სიმშვიდეა, გამოცდები კი ჩვეულ რეჟიმში მიმდიანრეობს“– აცხადებენ, მომსახურების სააგენტოში.
