დღეს საკალათბურთო კლუბი „რუსთავი“ თბილისის „მგზავრებს“ოლიმპიურ სასახლეში დაუპირისპირდა. საკალათბურთო სუპერლიგის პირველი წრის დასკვნით შეხვედრაში რუსთაველებმა ლიდერობა მატჩის დაწყებისთანავე მოიპოვეს და ბოლომდე შეძლეს მისი შენარჩუნება.
დღევანდელი შეხვედრა რუსთავის გამარჯვებით, ანგარიშით 72:62 დასრულდა.
ცნობისთვის, მიმდინარე სეზონში რუსთაველებისთვის ეს მეცხრე გამარჯვებაა და სატურნირო ცხრილში ამ წუთისთვის პირველ ადგილს „ქუთაისთან“ იყოფენ.