რუსთავში ბუნებრივი აირით ინტოქსიკაცია ერთი ოჯახის ოთხმა წევრმა მიიღო. შემთხვევა მე-7 მიკრორაიონში, N20 საცხოვრებელ კორპუსში დაფიქსირდა.
Tv4-ის ინფორმაციით, ოთხივე პირი სასწრაფო დახმარების ეკიპაჟებმა სამედიცინო დაწესებულებაში გადაიყვანა.
როგორც TV4-ს კლინიკა “რუსთავში” განუცხადეს, ოთხივე ერთი ოჯახის წევრია, მათ შორის ორი მცირეწლოვანი.
ამასთან, კლინიკაში აცხადებენ, რომ პაციენტები სამედიცინო დაწესებულებაში შეყვანისას კონტაქტურები იყვნენ.
კლინიკის პრესსამსახურის ინფორმაციით, ოჯახის ყველა წევრი საავადმყოფოდან უკვე გაწერეს.
